Zoki Poki

Официјален YouTube канал на ТВ-серијата „Зоки Поки“.

Епизодите ќе се емитуваат секој понеделник и четврток во 20:15 часот на МТВ 1, почнувајќи од 4 мај, 2020 година.

„Зоки Поки“ е екранизација на истоимената книга за деца на писателката Оливера Николова првично објавена во 1963 година, по што следувале голем број изданија.

Режисерот Александар Поповски и продуцентот Роберт Насков се одлучиле за екранизација токму на „Зоки Поки“ не само затоа што сметаат дека ова култно литературно дело е релевантно за многу различни генерации, туку и поради недостаток на домашна ТВ програма за деца. Со желба за враќање на вредностите кои полека исчезнуваат, Поповски и Насков сакаат да создадат ТВ проект кој ќе им го задржи вниманието на децата кои растат во денешното „брзо“ време.