Ali Melouk (Barbapappa)

بارباپاپا...،

هي أنك تكون أنت و تعيش لراسك ... ماشي تعيش كيف بغاوك الاخرين تكون.

هي أنك تعيش حياتك طول و عرض، و انت حامد و شاكر الله على الزوينة و الخيبة، و السلبية ديالك توكلها لله، ماشي تكبها فالعبد

هي أنك ما تضر حتى شي واحد، هي ما تحكمش على الناس، هي تعاون، هي تزيد القدام، هي تسد فمك يلا غادي تخرج منو العيب، هي تديها فسوق راسك، هي تحتارم أي إنسان كيف ما كان نوعو، هي تغلط و تعلم، هي طيح و تقصح ،بكي معا راسك و كمدها ولكن نوض و كمل ...

هي كون إنسان طبيعي، ماشي تشوف الناس ديال البلدان متقدمة و تڭول : شوف الناس كيف دايرة... حيت الخير للي فينا و فبلادنا كبيـــــــــــــــــــــــر و كتيــــــــــــــــــر، خاصنا غير نوليو شوية بشوية بارباپاپا