يوميات تنكه هانم وحموكشه تصميم Hamdiya Hajjaj

مين هي حمدية حجاج؟ (حكايتي وبداية الفكرة الأصلية)

​أنا حمدية حجاج، بنت من قلب الصعيد، تحديداً من مركز دشنا بمحافظة قنا، وعايشة حالياً في الإسكندرية.

​حياتي زي بيوت كتير من أهلنا، الظروف ما سمحتش إني أكمل تعليمي، بس الحمد لله ما استسلمتش، وقررت أعلم نفسي بنفسي. طول عمري كان عندي حلم أكون ممثلة أو مرشدة سياحية، ورغم إن الأحلام دي اتأجلت، لكن الشغف فضل جوايا لحد ما وجّهته لعالم الأنيميشن.حكايتي مع الزمن الجميل:

عشقي لكل حاجة قديمة، وريحة الزمن الجميل، وقعدتي مع أمي الغالية وحكاياتها عن زمان، هما اللي خلوني أبني عالم "الزواج في الصعيد" بكل تفاصيله اللي حبتوها. ربنا أراد إن حلمي يتحقق وبقيت بمثل وبخرج وبحكي حكاياتي بصوتي ومن خياليأنا

بكل فخر، أنا أول من فكر ونفذ فكرة "مسلسل صعيدي كامل بتقنية الكرتون والأنيميشن". مسلسل (الزواج في الصعيد) هو ثمرة مجهودي وتفكيري الشخصي؛ فالاسم ملكي، والقصة من تأليفي، وأسماء الشخصيات وتفاصيلها أنا اللي صممتها من الألف للياء. بدأت التحضير للفكرة وتصميم الشخصيات في أواخر عام 2023، وانطلقت أول حلقة رسمياً للجمهور في 21 فبراير 2024، ومن اليوم ده بدأت حكايتي

​